Léif Gäscht,

En vu vun der aktueller Situatioun ass d'Sauna nach bis op Weideres zou. D'Schwemm ass fir Iech op.

Eis Team soet Merci fir Är Gedold an frëet sech Iech rëm ganz séier an de Sauna begréissen ze kënnen.

______________________________________________________________________________________

SAUNA A WELLNESS

Lava-Infrarout

Déi Infrarout Stralungshëtzt geet ënner d’Haut an hëlleft d’Muskelen ze entspanen an den Stoffwiessel ze équilibréieren. D’Temperatur an enger Infrarout Kabin leit bei 35-40°C.

Waasserfall - Sauna 85°C, dobaussen

Bei enger Temperatur vun 85°C an enger Loftfiichtegkeet vun 20-25 % kenn der iech hei op 2 Stäck entspanen. Den "Opguss" ass automatisch all Stonn.

Salz - Sauna 55°C, dobaussen

Bei enger Temperatur vun 55°C an enger Loftfiichtegkeet vun 40-45 % kenn dir iech mat enger Mieresbrise op speziellen ergonomeschen Ligen erhoulen.

Stären - Hamam (bléift fir de Moment nach zou)

Déi mëll Temperaturen am Hamam vun 42-45°C, kombinéiert mat enger relativer Loftfiichtegkeet vun 100% ënnerstëtzen de Regeneratiounsprozess vum Kierper. Aromatesch Zousätz vun Eukalyptus a Menthe bréngen Ofwiesselung an den Niwwel, fleegen d’Longen a suergen dofir dass se op ginn.

Blummen - Hamam (bléift fir de Moment nach zou)

Beim Betriede vun dësem Hamam kommen iech Dëfter vu Kraider a Friichten entgéint. Dir fillt iech wéi an engem Bléienkelch, och beim Design vun dëser Sauna gëtt et doru keen Zweiwel.

Kraider - Sauna 80°C

Naturkraider gin an engem spezielle Behälter präparéiert. Den aromatesche Sud aus Ueleg an den Doft vu frëschem Hee oder frësche Kraider wierke jee no Zesummestellung entspaanend oder ureegend.

Mound - Biosauna 60°C

D’Biosauna zielt zu den Nidderegtemperatur Saunaen. Mat ongeféier 60°C, enger Loftfiichtegkeet vun 40% an engem Faarfliichtsystem, ass si déi ideal Plaz fir z’entspanen. D’Openthaltsdauer ass jee no Wuelbefanne vu jidderengem selwer ze bestëmmen.

Steng - Sauna 90°C, dobaussen

D’Urform vun de finnesche Saunaen. Agegruewen am Buedem, mat uergemütlecher Atmosphère, erlaabt d’Erdsauna trotz héijen Temperaturen a gerénger Loftfiichtegkeet e längerer Saunaopenthalt.

Feier - Sauna 80°C, dobaussen

Holzgeroch an e knisternd Holzfeier suerge fir eng entspaanend Atmosphère. Bei flackeregem Liicht vum Feier fält et engem einfach den Alldag ze vergiessen.

Äerd - Sauna 95°C, dobaussen

Bei enger Temperatur vun 95°C an enger Loftfiichtegkeet vun 20-25 % kenn der iech hei op 3 Stäck entspanen. Den Naturaromen-Opgoss reegt de Kreeslaf un an ënnerstëtzt op eng douce Manéier den Entschlackungsprozess.

Wichteg! D’Saunalandschaft ass en textilfräie Beräich.
An der Wellness Lounge braucht Dir een Buedmantel.