Aqua - Summercoursen

8.-€ / Pers. a Cours + Entréesticket, ouni Reservatioun

______________________________________________________________________________________

Summervakanz - Kannercoursen

Aschreiwung: 14. Juni 2024 / 17h00 Auer iwwer eisen E-Shop.

______________________________________________________________________________________

Fannt de richtege Cours ?

Stellt sécher, dass Äert Kand den Ufuerderungen vum „Pinguin" entsprécht, ier dir et an de Grupp „Turtle" umellt.
Dir kënnt den Niveau vum Kand net? Kommt bei eis schwammen, en Schwammmeeschter kann Iech hëllefen.

PINGUIN - Ufänger
Aféierung an d ‘Waasserwelt. „Ech kann Blubberblosen maachen an eppes aus dem Waasser eraus huelen."

TURTLE - Mëttelstuf
Bewegen am Waasser ass schon ouni Äermercher méiglech. „ Ech kann mech um Bauch an um Réck bewegen an a Reckenlaag gleeden."

INT - Avancéiert
Schwammtechniken léieren. „Ech kann op d'mannst zwee Stiler schwammen" (zum Beispill Broscht, um Réck oder Kraul).

FËSCH - Expert
Perfektioneieren vun den Schwammtechniken "Ech behärchen déi verschidden Schwammstiler."

______________________________________________________________________________________

Aqua-Circuit

Dir sicht eng komplett a flott Aktivitéit? Den Aqua-Circuit ass fir Iech! Mat enger Serie vun Übungen mat (Vëlo, Hantelen, Lastik, Trampolin, Steps, asw.), schafft Dir un all déi verschidde Muskelgruppen (Bauch, Réck, Broscht, Äarm, Been an Hënner). Fir all déi déi ofwiesslungsräich Exercicer mat Material gären hunn - ouni Choreographie - a no engem effektive Resultat sichen!

Aqua-Cycling

Dëst Konzept eegent sech fir jiddereen. Intensiv, dynamesch a mat Musek, sou mécht Beweegung nach méi Spaass. Déi verschidden Übunge kräftegen den Ënerkierper a si eng optimal Méiglechkeet fir d'Ausdauer ze trainéieren a sech fit ze halen.

Aqua-Gym

Turnen am Waasser trainéiert d'Ausdauer a kräftegt d'Muskulatur. Mat Musek mécht den Training gläich duebel souvill Spaass. Bréngt äre Kierper a Schwonk! Aqua-Gym ass ee komplette Cours mat oder ouni Asaz vu Geräter. Duerno fillt dir iech richteg a Form!

Aqua-Fitness

Aqua-Fitness Okeo Method ass en intensive Cardio, energesche, musikaleschen an toning aquateschen Training. Dir léiert Waasser ze benotzen fir mat Waasserresistenz ze trainéieren. Stäerkt a Kraaft charakteriséieren dës nei Approche.

Schwammcoursen individuell (CP)

Dëss Schwammcoursen daueren 30 Minutten. Eis Schwammcoursen adresséieren sech u Kanner an Erwuessener. D’Ziel ass et eng Eegestännegkeet am Waasser z’erreechen an d’Schwammen ze léieren.

Aqua-Senior

Waassergymnastik fir Senioren ass gesond a mécht Spaass. D'Muskele gin gekräftegt an dat ouni grouss Belaaschtung fir d'Gelenker. Den Alterungsprozess gëtt verzögert an am Kader vu Rehabilitatiounsmoossnahmen wierkt sech de Sport am Waasser positiv aus. Waassergymnastik ass eng vun deene beschte Methode fir d'Gesondheet an d'Wuelbefannen z'ënnerhalen a jonk ze bleiwen.

Schwammcoursen fir Kanner

Dës Schwammkueren adresséieren sech u Kanner tëscht 6 a 10 Joer. D'Ziel ass et eng Eegestännegkeet am Waasser ze erreechen an d'Schwammen ze léieren.

______________________________________________________________________________________

Nëtzlech Informatiounen